Ranatunge Jayawardene 2 years ago 222 0 0
ගල් සිත
හිතේ හයියෙන් මෙලෙක් කර
කළු ගලේ සිතුවම් කෙරුන
ජීවමාන අප්සරාවිය ඔබ ..
දෙනෙත් අඩවන් කර ගෙන
බලනු ඇයි සැකයෙන් මා දෙස ?
නෙළුම් මල් පෙති ගනිමින්
වරදක් වසන් කරනට
හේතු හොයනා ළදරුවකු මෙන්.
*
සත්යය සෘජුය
කෙලින් පැවසිය නොහැකි මුත්
ඒ වසන් කල නොහැකිය..
ලෝකය දැනගත යුතුය
එය ඔබටද දැනෙන සේ
ටීකා කොට කෙටියෙන්
පසෙක දක්වනු රිසියෙම්.
*
"මා මෙහි ආ ගිය බව ත්,
ඔබ බලා මා මත් වී මෙන්
මගේ අවසරයක් හෝ නොබලා
ඇස් ඔබෙන් ඉල්ලූ දේ
ඇසම සොරකම් කල බවත්
සිතෙන් ඉල්ලු පහස
සිතම උදුරා ගත් බවත්
මෙහි ලියා තබමි."
*
තව ගී ලියන්නට සිත් වුවත්
සිත මෙල්ල කරගෙන
සඳැස් ගලපනු නොහැකි ව
මා සිතද ගල සේ දැඩි කොට
අකමැත්තෙන් වුව
ඔබව මෙහි තනිකර දමා
හෙමිහිට පල්ලම් බැස ගියෙමි.
-------------------------------------------------
රනේ/20අගෝ2024/ගල් සිත