ගැහැණිය සහ සිනහව

සිනහව හිතේ හිර කරගෙන
කදුලම බුදින මිනිසුන් ගැන
ඇසුවා මමත් විස්තර හෙම
රිදෙනා තැවුල් ලතැවුල් ගැන...

හඩනා නමුත් රෑ තුන්යම
දහවල සිනාවෙන් සරසන
අරුමැති සොදුරු ගැහැනුන් ගැන
ඇසුවා මමත් මුවගින් දන...

සිනහව වතේ රැදුනත් නිති සදක්
වගේ
කදුලක් හිතේ සිරවී ඇත ගගක්
වගේ
දුක් සගවා සිනාසෙන හැටි සයුර
වගේ
ඇය පුදුමයකි හිනැහෙන නිති මලක්
වගේ...

සියුමැලි හිතට පුළුවනි උහුලන්න
ගිනි
සුදුමැලි දෑත් හයියයි පිරිමින්
දෙවැනි
දසමස කුසදරා දරුවන් වදන
ගිනි
උහුලන ගැහැණු හිත් වල ඇත පුදුම
සවි...

ගැහැණිය බොළඳ කුසුමක් බව
කිව්වාට
ඇය ලොව විසල් දුක් වළදයි
හැමදාම
කොතරම් ගැහැට ආවත් එක පිට
ඇයට
ඈ හිනැහේවි කදුලැල් සගවා
හනික...

විටෙකදි මවක් විටෙකදි යෙහෙළියක් වෙලා
විටෙකදි ළදැරියක් විටෙකදි බිරිඳ
වෙලා
විටෙකදි සෙබලියක් විටෙකදි සිරිකතක් වෙලා
ගැහැණිය වෙසෙයි සැම තැනකම සවිය බෙදා...

වේදනාව දුක ඉවසාගෙන
ඉන්ට
පිරිමි හිත් වලට බැරි ගින්දර
ගන්ට
වැටෙනා මොහොතකදි නැගිටී
හිනැහෙන්ට
හැකි වානේ හිතක් උරුමයි
ගැහැනුන්ට...

- චතූ