තවත් චිත්‍රයක්

රෑ අහස ලස්සනම කලු පාට
වූවාම...
පුර පෝය දා රෑට හඳ අදින්නම
ඕන...
කතරක පවා හරි මග පෙන්වනා
අරුම...
තරු ඇන්දොතින් ගොඩක් ලස්සනයි රෑ ගගන...

ගගනතට යටින් මම මහ පොළොව
ඇන්දාට...
හිතන්නට එපා නුඹ ළගයි කියලා
ගගන...
ඇස් බැන්දුමක් තමයි මේ මිනිස්
ලෝකේම...
තනිව එන අපි යළිත් යා යුතුයි
තනියෙන් ම...

පුර පෝය දා ටීච අදින්නට
කිව්වාට...
මම අදින් නෑ ඒකෙ පන්සලට
යන මාව...
කවුද කවියෙක් දුවට කිව්ව වාගේ
තමයි...
චිත්‍රයේ අදින්නට මටත් බෑ
අම්මාව...

වෙරළ ළග හැන්දෑව ලස්සනට
ඇන්දාට...
චිත්‍රයේ ඔවුන් දෙදෙනා ඇන්දෙ නෑ
උන්ව...
ළමයි සොයනා නිසා ඉතිං මගෙ
අම්මාව...
මමත් තාත්තයි මායි අදින් නෑ
රෑ ගාව...

- චතූ