චතුරංගි හර්ශිකා Nisadas Count (437)
චතුරංගි හර්ශිකා 5 years ago 239 4 9
නොකියාම ගියාමත් එනකල් මග බලන් හිටියා... නොහිතාම රිදෙව්වත් ආයෙමත් හිත හැදුවා... නොරිදෙන්න නොතැලෙන්න ජීවිතේ කියා දුන්නා... වසන්තය නිමා වූ කල පවා මල් කැකුළු ගැන සිහින මැව්වා... රහසින් කදුළු හලනකොට රහසින්ම හිත හැදුවා... මතක අහසේ සොඳුරු පාට දේදුන්නක් වුණා... ෆැන්ටසියට එපිට ජීවිතේ සොයා ගියා... හුදෙකලා මොහොතවල් අනුස්මරණීය මතක කළා... හදවතින් බදා වැලඳ දුක් කදුළු ඉහිලුවා... සදාදරණීය මිතුරන් එහෙමයි නොකියාම හිත ළග නතර වුණා... මම, චතූ
චතුරංගි හර්ශිකා 5 years ago 308 5 8
හිත පුරාවට නොහිතාම සිතුවිලි මැවුනේ රහසේම නිශා නීල ගගනත පාරන තරුවක් වුණා සදාදර නුඹ මට... හද මල මිලිනව හඩන චංචල ඇසිදිසි හීනවල යළි යළිත් නැවතී කුමට හද පෑරී ගලයි කඳුළු නිතරම... සන්තාප ලතැවුල් එමට නිවුණු කල ආදරයේ පහන් සිල මතක සිළු අවුලා යළිත් පතන්නේ කඳුළු නොවෙද මම... වහින්නට පෙරම වැහි අදුරට හිත බයෙන් ගැහෙයි මතක මීදුම අසල නෙත හුරු නමුත් දැන් මේ කඳුළට හිත තවම හුරු නැහැ පාළුවට... මහා වැස්සකට පසුව එන සීතලම පාළු දවසකට මතක එක්කම අහසේ පායන පුංචිම පුංචි තාරකාවක් නුඹ... වසන්තය මැරුණා වුණත් දවසක හිතේ කහටක් නැහැ නුඹ ගැන ආදරෙන් ළං කරන් නුඹව සනසන්න මට හැකියි හැමදාම ජීවිතේ කඳුළු පිසින්න... නෙතු අගින් වැටෙන කඳුළු කැට වැටුණේම නිරන්තර නුඹ නමට ආසයි මං වෙනුවෙන් වැටෙන නුඹේ එකම එක කඳුළක් දකින්න... ආදරේ හිත පතුලෙම පැළ වුණාම දෝරෙ ගලන සෙනෙහසේ ගංගාව හිත් යායම පිස දමාගෙන නෙත් දෑලෙන් ගොඩ ගලන අපූරුවයි ආදරය... මම, චතූ
චතුරංගි හර්ශිකා 5 years ago 301 4 7
☬❤️⃟⃟◍̸̸̸̸̣̣̣❀ ?❤....☬❤️⃟⃟◍̸̸̸̸̣̣̣❀ ?....☬❤️⃟⃟◍̸̸̸̸̣̣̣❀ ? මල් හීන පුරාවට මැවුනේම නුඹේ වත දන්නවද මහිමි නුඹ මගෙ ලොවේ හිරු කිරණ... වසන්තය නිමා වී අනෙක දුක් ගැහැට මැද ගිම්හාන සුළග යට පවා සැනසුමයි නුඹ... ජීවිතේ මුව දොරක නෙත් පුරා සිහින ගෙන මගෙ ලොවට වඩින තුරු නොදත්තෙමි පෙම අරුම... සොඳුරු හිතවත් සුළග තරම් ආදර සුවඳ ජීවිතේ පුරාවට තැවරුවේ සොදුර නුඹ... දිවි ගමනේ කෙලවරක නෙතු පියෙන තුරාවට නුඹේ දෑතේ වෙලී රැදී එන්නම් දුරක... අනෙක වේදනා මැද නුඹ හඩා වැටෙන දා කදුළු පිස නුඹේ මුව හොවා ගන්නම් ළයට... මා නෙතේ කදුළු කැට නොපැතු නුඹෙ හිත් මලට පිණි පොදක් වගේ මම සිසිල දෙන්නම් සොඳුර... ආදරේ පූජාව නුඹ දෙපා මුල පුදා සදා නුඹගේම වූ පතිනියයි නුඹේ මම... මම, චතූ ☬❤️⃟⃟◍̸̸̸̸̣̣̣❀ ?❤....☬❤️⃟⃟◍̸̸̸̸̣̣̣❀ ?....☬❤️⃟⃟◍̸̸̸̸̣̣̣❀ ?
චතුරංගි හර්ශිකා 5 years ago 329 4 7
________༺═─⃝─⃟─⃟─⃟─⃟─⃟─⃟─⃝─═༻_________ නුඹට කියන්න දේවල් නම් මහිතේ එමට... ඒත් අහන්න තරම් නුඹට වෙලාවක් තියෙනවද...? හිතේ උපන් කදුළු හිතේම දිය කරගෙන... අහිමි ප්රේමයක තවත් හොයන්නේ මොනවද මම... ජීවිතේ පුරාවට හමුවුණු බොහෝ දෙනා අතර... හිත නතර වුණේ නුඹ ළගයි කුළුදුලේ දිනෙක... නුඹම ලියපු වසත් කවියේ අගට... නැවතුමක් තියන්න ලෝබ හිතුනේ නැතිද...? මම, චතූ ________༺═─⃝─⃟─⃟─⃟─⃟─⃟─⃟─⃝─═༻_________
චතුරංගි හර්ශිකා 5 years ago 308 4 5
නුඹ ගියේ නොගොස් එන්නට බැරි නිසාද දෙවෙන්දොරා වාගෙම ආයෙමත් එන්න හිතෙනවද ලොවේ ඇත්තේ යාම් ඊම් පමණක් බව නුඹත් හිතනවද නුඹටත් මට වගේම ආයෙමත් මුණ ගැහෙන්න හිතෙනවද...? දෙවෙන්දොරා වාගෙම හයිය නැත්නම් හිත එන්න එපා මටත් හිමි නැති මහිතට නැවත ඇවිත් ආයෙමත් හදවත ගිනිතබා ගිය කලට නොරිකෝට තරම් ඉවසන්න බැරි වේවි මට... ගිනි ගත්ත හිත් මලට කදුළු වතුර හැලෙනකොට නොරිකෝ වගේ දරාගෙන ඉන්න දන්නේ නැහැ මම මලවුන්ගේ අවුරුදු දා එන තෙක් බලා නොසිට මමත් එ්වි එදාට නුඹ ගියපු එපිට ලොවට... මම, චතූ
චතුරංගි හර්ශිකා 5 years ago 282 6 9
පසුතැවීමක් අද පවා හිත අද්දරින් එබිකම් කරයි... ලියා අවසන් නොකළ කවියක් නෙතු ළගම නැවතී තිබෙයි... ළබැඳි දෑසක් අතැර ගොළු වූ මුවග මදහස නොම රැඳෙයි... සොඳුර නුඹ මා යළිත් දවසක දොඩමළුව හිනැහිය යුතුයි...! මම, චතූ
චතුරංගි හර්ශිකා 5 years ago 288 4 9
නුහුරු නුපුරුදු හුදෙකලා බව අතර ඉද හිට නුඹ මැවෙයි... හදට බැමි බැඳ තබා ගත්තෙමි අහිමි නෙතු දැන් මගෙ නොවෙයි... පුරුදු මග තොට නෙත ගැටුණ මුත් තවත් මම නුඹ නොහදුනයි... නැවතීම තැබු ඒ බැදීමට පසු වදන් දැන් කැප නොවෙයි... සිය දහස් වර නුඹව අමතා කියන්නට දෑ අපමණයි... නුඹ නොකියැවූ මේ නිහඩ බව තුළ තිබෙන දෑ හරි බරයි... නොකී දහසක් හැගුම් නොදුටුව සබඳ නුඹ මා නොහදුනයි... මුණිවතින් දින ගෙවා ලන්නම් කිමද දෙබසත් දුක්බරයි... මම, චතූ
චතුරංගි හර්ශිකා 5 years ago 294 4 5
පුරුදු සීතල සුළඟ හෙමිහිට හද අඹර මත සැරිසරයි... නෙතට නින්දක් නොගෙනෙනා රළු මතක මන්දිර දුක්බරයි... මැදියමේ නෙතු නොපියෙනා ගන කළුවරට හිත පෙම් කරයි... නුඹ ඉතිරි කළ මතක පමණක් තවම හිත ළග තනි මකයි... මම, චතූ
චතුරංගි හර්ශිකා 5 years ago 252 4 8
වැටෙද්දි නයන අගින් කදුලක් නොකිව්වට මොකද ඒක අනෝරා වැස්සක්... ගිලෙන්නට ළගයි ඒ දියේ තනි මං නුඹ ගියේ රැගෙන පාරුවේ හබලත්... නුඹත් එක්කලා එතෙර වන්නට හුන් මං වැහි වතුර ඉස්සරහ දමා දිව්ව නුඹ නම්... දෙහදක් බැදී ගයන කවිකම් නුඹ කොහෙද හදුනන්නෙ ආදරේ මල් ලියකම්... ගොඩ ගලන්නත් පෙරම වැහි වතුර කදුලක් කොහේදෝ මුල්ලක උඹ බයේ ගුලි වුණත්... හයියයි තනි මගේ හිත තාමත් ජීවිතේ කියන්නෙම උඩුගං බලා යන ගමනක්... මම, චතූ
චතුරංගි හර්ශිකා 5 years ago 290 3 4
මල් ලිය මඩුළු අතරින් පතර පෙනෙනා සොඳුරු රතු අහසේම ආසයි තුමුල සිතුවම් දෙකක් පින්තාරුවට හැන්දෑවේම... එක සිතුවමක ලියකම් පිරුණු සුන්දර මගුල් පෝරුව ගාව සිතුවම් කරමි නුඹ සහ දිගැස අතිනත ගන්න මංගල දවස... ඈතින් එපිට කදුවැටි ගාව ඇන්දෙමි අනිත් සිතුවම මෙලෙස හිසකෙස් ශ්වේත තනිකඩ කතක් උන්නා බලා දෙස රතු අහස... මම, චතූ
චතුරංගි හර්ශිකා 5 years ago 281 4 2
කාලය තටු අරන් ඉගිල්ලුණා...⟳ , මුලු ලෝකයටම සොබාදහම අලුත් පාඩමක් ඉගැන්නුවා* ༺═─⃝─⃟─⃟─⃟─⃟─⃟─⃟─⃝─═༻ ~ඉතින් හැමෝම අද ඉදන් අලුත් අවුරුද්දට අලුත් බලාපොරොත්තු ගොඩක් හිතේ තියාගෙන ඇති~? ╰☆☆ ☆☆╮ නිතින් පතනා සියළු පැතුමන් ඉරක් සේ පායා නැගේවා... හිතෙහි හිරවුණු සියළු ගින්දර හිමක් සේ සිහිලැල් කෙරේවා... නිදුක් වසරක සොඳුරු දිවියක දනන් දහසක් සිත් නිවේවා... සෙනෙහෙබර සුව පිරුණු වසරක් ඔබට මට හෙට උරුම වේවා...!!! _*❛↝ලැබුවා වූ නව වසර සැමට සතුට,සෞභාග්ය සපිරි සියලු පැතුම් ඉටු වෙන නීරෝගිමත් අලුත් අවුරුද්දක් වේවා!!!❜↜*_ ✾ـٰٰٰٰٖٖٖٖٜ۬ـٰٰٰٖٖٖٜ۬ـٰٰٖٖٜ۬ـٰٖٜ۬ـٰٖٜ۬ـٰٰٖٖٜ۬ـٰٰٰٖٖٖٜ۬ـٰٰٰٰٖٖٖٖٜ۬ـٰٰٰٖٖٖٜ۬ـٰٰٖٖٜ۬ـٰٖٜ۬ـٰٖٜ۬ـٰٰٖٖٜ۬ـٰٰٰٖٖٖٜ۬ـٰٰٰٰٖٖٖٖٜ۬✾✾ـٰٰٰٰٖٖٖٖٜ۬ـٰٰٰٖٖٖٜ۬ـٰٰٖٖٜ۬ـٰٖٜ۬ـٰٖٜ۬ـٰٰٖٖٜ۬ـٰٰٰٖٖٖٜ۬ـٰٰٰٰٖٖٖٖٜ۬ـٰٰٰٖٖٖٜ۬ـٰٰٖٖٜ۬ـٰٖٜ۬ـٰٖٜ۬ـٰٰٖٖٜ۬ـٰٰٰٖٖٖٜ۬ـٰٰٰٰٖٖٖٖٜ۬✾➣✾ـٰٰٰٰٖٖٖٖٜ۬ـٰٰٰٖٖٖٜ۬ـٰٰٖٖٜ۬ـٰٖٜ۬ـٰٖٜ۬ـٰٰٖ۬ ✪ ☸???✝?☪✪ ┏┓┏┓｡･ﾟﾟ･｡｡ﾟ ┃┗┛ appy ┃┏┓┃ ᑎEᗯ✿ ┗┛┗┛ year*ﾟ✾ ｡.｡.｡.｡❤ ...☬❤️⃟⃟◍̸̸̸̸̣̣̣❀ ? මම, චතූ✍
චතුරංගි හර්ශිකා 5 years ago 307 4 2
අවසන් වරට නුඹට තියන්නට හිතයි පණිවුඩයක්... නමුත් අවතැන් හැගීමක මළගමත් දැන් අවසන්... එහෙයින්ම හිත පෙලන සිතුම් සිතුවිලි රටාවක් කොලයකට පවසන්නම් නුඹට රහසින් වතාවක්... සමාවක් දෙන්න හෝ ගන්න නැහැ හිත අද වුණත් ආයෙමත් ඒ කවිය ලියන්නට දැන් නැහැ හිතක්... එකම පැතුම හෙට ගැනයි පතන්නම් එය මෙතැන වත් යළිත් හමු නොවේවා කදුළු ගෙනෙනා ප්රේමයක්... මම, චතූ
Copyright © 2021 Nisadas | Powered by Arvin Apps
