Ranatunge Jayawardene Nisadas Count (71)
Ranatunge Jayawardene 1 year ago 276 0 0
ඔබ යදිමින් මා හිටියා ඒ නිදිගත් රෑ මැදියම සලකුණු කිසිවක් නොතබා ඔබ ඇවිදින් ගොස් තිබුනා.. * තරුකැට ඇසිපිය ගැසුවා මොනවද මුමුණා කීවා රැස්වී දොඩමලු වූ බැව් පිණිබිඳු රහසේ කීවා.. * රන් හිරු පායා දිලුනා කිරණින් වුවනත දෙව්වා නිදිගැට දිගහැර උදයේ පුතු මා ළය මත ඇලුනා.. * අප මඟ හෙලිකර පෙන්නා ඔබ මා අසලම හිටියා අඳුරින් අප සැම ගලවා සත දෙස එහි සිට බැලුවා ! --------------------------------------------------- රනේ/18ඔක්2024/ගැලවුම් කරු
Ranatunge Jayawardene 1 year ago 350 0 0
හීන රැසක් මත මම මැදි කරලා තියෙන තියෙන දේ වියදම් කරලා ඔබ නොදුටුව ලොව මට යා කරලා නිදනව ඔබ මෙහි මම තනි කරලා * ඔබ ගේ බඩගිනි, මට දැනිලා නෑ ඔබ විඳි කරදර මට දීලා නෑ සෙනෙහස රැකවල අඩුවක් කර නෑ වන්දි ගෙවන්නට මා ළඟ ඔබ නෑ .. * අසරණ වූ අය මට හමුවෙනවා ඒ දුක් බැල්මට හිත උණු වෙනවා ඇවැසි පිහිට මම නොඅඩුව දෙනවා ඉන් උපයන පින ඔබට එවනවා .. * දවසේ අවසන ඔබ සිහි කරලා මෙත් සිත වඩවා දසතම පතුරා කුළුණු ගුණෙන් පිරි ඔබෙ ගුණ කියලා පතනව මොක්සුව හැම සත නිවනා ! --------------------------------------------------- රනේ /09ඔක්2024/සිහිකිරීමයි !
Ranatunge Jayawardene 1 year ago 277 0 0
" මොලේ ඇති, මා මිතුරු; මං ඉන්න ශරීරය ඔබට මේ කියන්නේ ඔබෙන් 'මම' අහන්නේ.. " * ඔබ මාව ගෙනයන්නෙ කොයිබට ද? ඇත්තෙන්ම හැමදේම පිළිවෙලට තමයි මං කරන්නේ දැනගන්න ඕන මට කොහොම ඒ හිතන්නේ 'දෙවියන්ද' කියන්නේ කවුද ඒ කරන්නේ ? * වැඩි මනත් දන්නෙ නෑ ඉපදුනා ලොකුවුනා ලෙඩ වුනා හොඳ වුනා හිනැහුනා දුක් වුනා මං නිකං 'මම' වුනා.. * හරිම හරි ලෝකයක් සැලැසුමක් දන්නෙ නෑ.. වෙනස තේරෙන්නෙ නෑ ඉපදෙනා ලොකුවෙනා ඔබ දකින 'මම' වෙනා.. මම මුකුත් කලෙත් නෑ ඔබ මුකුත් කළා දැයි මටම වැටහෙන්නෙ නෑ.. * පොඩි උන්ද ලොකු වුනේ ලොකු උන්ද වියපත්ව, මිය ගොහින් ඉපදුනේ .. කවුද මේ කරන්නේ කොහොම මේ දකින්නේ *** " ජීවිතය පැලකරන් ජීවිතේ ගොඩනගන 'ජීවිතේ' සාරයෙන්, ගමන් යන, සැරිසරන .. දේහයක් අරක් ගෙන, කාලයක් ගත කරන .. සාර ගුණ රැස් කරන එයම වියදම් කරන එයම තැන්පත් කරන් සංසාර ගමන යන ! මේ සසර පුරාවට ඔබ එක්ක සැරිසරන 'ධර්මතා' මගේ නම ඔබ ළඟම ගොඩ නැගෙන" ------------------------------------------- රනේ/02ඔක්2024/ධර්මතා
Ranatunge Jayawardene 1 year ago 279 0 0
ඔබව මට ඒ සොහොයුරාමයි රතට මල්පෙති හැලී තිබුනත් පයට පෑගී ඉරී තිබුනත් ප්රභාවත් වන අපේ පෙරමග සොහොයුරා මම ඔබ ළඟින්මයි තවම අතහැර නොගත් පණ වන් * අවධි කල මා උදයෙන් ඉරත් නිදිගත් ලොවකින් කපා මීදුම කිරණින් එළිය සේ ඔබ ඇවිදින් .! * ගමන් කර එන එක මඟ හිතෙන් අල්ලන් හයියෙන් හුස්මක් දුරින් හිටියත් බරද පියවර? නොඅසම් * සොහොයුරා ඔබ වූවයි තවම අතහැර නොගත් පණ වන් හිතෙන් අල්ලන් හයියට ගමන් කර එන එකට එක මඟ ! -------------------------------------------------- රනේ/29සැප්2024/සොහොයුරා
Ranatunge Jayawardene 1 year ago 295 0 2
ගොරෝසුයි සුළඟ කඳු ශිඛරය මත හිරු නැගෙන මොහොතක් වුවත් මේ තියුනු තණ පත් තුඩු අග රැඳී පන අදින බොල් පිණි දිලිසුනා ඒ, අන්තිම වරට.. මා දෑස් තෙත් කර ගලා ආ කඳුළු බිංදුවත් ඒ මැයි මොහොතකට සිතුනා මට.. * මා දමා ඔබ නික්මුණු දවස ගැන, තවමත් මා දමා ගොස් නැති, අමිහිරි, නපුරු මතකය පීරා අවුස්සන රුදු සුළඟ උඹ හරි ගොරෝසුයි අද.. * අයැදිමින් නුබ ගැබෙන් දැන් කළු වලාවක් ගෙනැවිත් මුවා කරපන් මේ නැග එන හිරු සඟවා තබා වෙන්කොට එළියෙන් උදා වෙන ඒ මතකය දමා හෙලමින් තද අඳුරට.. මේ පාළු කඳු ශිඛරය මත සදාතනිකවු හුදකලාවක. ---------------------------------------------- රනේ/25සැප්2024/හුදකලාව
Ranatunge Jayawardene 2 years ago 260 0 0
මම, සුදු, ලස්සන, සුවඳ මලක් නිසා උඹ ආඩම්බරේට රූං ගාගෙන ඇවිත් මං වටේ කැරකුනා.. ඒත්, මම මලක් වුනේ මේ රූස්ස ගහේ අත්තක් අග හැදුනු රිකිල නිසා කියල උඹ හිතන්න කැමති නෑ.. ------------------------------------ රනේ/21සැප්2024/මල්
Ranatunge Jayawardene 2 years ago 277 0 0
සාගරේ සිප අරන් තුරු ලතා මුදුන් පිස සුවඳ මල් තුඩින් විත් පිවිසෙන්න ලය තුලට * අළුත් කර ළය පතුල පිසදමා නුගුන රැල් අළුත් ලෝකයක් දී ලං වෙන්න හද විලට * සවන් දී එක පෙලට ජීවිතේ රිද්මයට දළු දමා හැඟුම් වැල් මුහු වෙන්න සිත් මලට * නවාතැන් පොල සොයා ගෙවා එන මඟ දිගට හෙටත් අද මෙන් එන්න මා එක්ක තනි කමට ! ------------------------------------ රනේ/15සැප්24/සුසුම
Ranatunge Jayawardene 2 years ago 267 0 0
අළුත් ලොවක් අද ලැබිලා මල් පිපිලා ගස් වැහිලා සුවඳින් පිරි ලා ඇත්තේ බඹරුනි ඇයි ලතැවෙන්නේ .., ඔබ ඇයි මේ ලතැවෙන්නේ * හැම සුවඳම එක වාගේ මල් පැණි රස එක වාගේ නටුවේ කටු එක වාගේ ඔබ මොනවද තෝරන්නේ .., මොනවද ඔබ තෝරන්නේ * ඔබ පමණයි පියඹන්නේ මල් ගොමු ඔබ පිළිගන්නේ ඔබ මොනවද විමසන්නේ පැණි රසටද රැවටෙන්නේ .., ඇයි බඹරුනි රැවටෙන්නේ * පරවුනු මල් බිම වැටිලා ඒ ලස්සන පෙති බිඳිලා දැන් සුවඳක් නැහැ එන්නේ ඔබ ඒකද ලතැවෙන්නේ .. ඒකද ඔබ ලතැවෙන්නේ -------------------------------------------- රනේ/10සැප්2024/ලතැවිලි
Ranatunge Jayawardene 2 years ago 316 0 0
සුකු'මලියේ මා දිනු රූපේ අහිමිව ගිය සුන්දර හීනේ.. * සන්තාපය මා හද පතුලේ ගිලි'ලා සිරවී හැඬුවේ උණු කඳුලට නැහැ දුක දැනුනේ මා දෙකොපොල රූ රා වැටුනේ .. * දුක් ගංගා'වේ යට පතුලේ ඇද වැටිලා අඩියෙම රැඳුනේ නැහැ සිනහව රැලි සේ නැගුනේ ඔබ නෑ මේ කිසිවක් දුටුවේ .. * එක කළුවර දවසක අහසේ ඔබ තරුවක් සේ මට දැනුනේ තරු එලියට කැලඹුන ජලයේ නැහැ හදවත විනිවිද පෙනුනේ.. * සුකු'මලියේ මා දිනු රූපේ අහිමිව ගිය සුන්දර හීනේ .. ---------------------------------------------- රනේ/04සැප්2024/විනිවිද
Ranatunge Jayawardene 2 years ago 278 0 0
අඳුරු කාලය ඉවරයි තවත් එක හෝරාවයි අළුත් අරුනළු සමගින් ඔබව හමු වෙනු නියතයි ! * රන්ඩු කර කර බෑ දැන් වාද වෙන ඕනෑ නෑ තවත් ඉඩ කඩ දෙනු බෑ එන්න නැගිටිමු මේ දැන් ! * අපට ඔබ දැන් අවැසියි හිටියෙ අපි ඔබ වෙනුවෙන් දුකක් වෙන තව නෑ මයි හිරු අපේ ලොවෙ ඔබමයි ! ------------------------------------------ රනේ/26අගෝ2024/හිරු
Ranatunge Jayawardene 2 years ago 254 0 0
ජීවිතෙන් භාගයක් ම මට ඔයාව නොපෙනුනත් හැම කාලෙම මං හරි හරියට එළිය වුනේ ඔයා හන්ද කියල දැනගන්න ඕන ඈයො දන්නවනෙ ඉතින්.. * ඔයා හැමදාම මගේ ජීවිතේ ආලෝකය වෙලා ඔයා ගාව රැඳෙන්න ඉඩ දීල දිගටම අරන් යන බවනම් හොඳටම විශ්වාසයි දැන් මට . * මේ ජීවිතේ තමයි හොඳ ; මං කියන්නේ අපි දෙන්නටම. අමාවකයි පහලොස්වකයි එකම දවස නෙවේ කියලා අපි දෙන්නම දන්නවනෙ දැන්. * අපි මින් එහා ලෝකයක් ගැන හිතන්න නරකයි .. මේ වෙන දේ බලාගෙන දිගටම ඉමු ඔහොම්ම ආදරෙන් ! නේ චන්ද්රිකා .. ---------------------------------------------- රනේ/28අගෝ2024/චන්ද්රිකා
Ranatunge Jayawardene 2 years ago 287 0 0
පටන්ගන්න හැම දේකම අන්තිම කෙලවරක් තිබුන නම් මුහුද වගේ පැහැදිලි.., මං එයාට කියන්නෑ බෑ කියල, මුලදීම.. ------------------------------------- රනේ/23අගෝ24/අවුල
Copyright © 2021 Nisadas | Powered by Arvin Apps
