Deesha(දීෂා)❤️ Nisadas Count (73)
Deesha(දීෂා)❤️ 6 years ago 313 3 5
පිපුණු මල්වල අරුත කිම වෙද සුපිපි මල් පරවෙන ලොවේ... ලැබෙන හැමදෙය අහිමි වෙන බව නොවේද ලෝකය හෙලිකළේ... මෙවන් දහමක් මිටින් අරගෙන උපන් අපි හැම මේ බවේ... වෙන්ව යනමුත් යළිත් හමුවෙමු හොඳම මිතුරන් වී මතු බවේ...
Deesha(දීෂා)❤️ 6 years ago 266 4 5
අතීතය සිහිනයක් නොව මට සැබෑ සුවඳයි දැනෙන්නේ සැබෑවට විඳි ජීවිතය කිම සිහිනයක් ලෙස දකින්නේ බැඳුණු සෙනෙහේ අරුත්බරනම් සැබෑ ජීවය එයම වන්නේ සැබෑ සෙනෙහේ නොවිඳි මිනිසා විරහවක් කෙලෙසද විඳින්නේ.... ???
Deesha(දීෂා)❤️ 6 years ago 266 4 7
කී සැරයක් නම් ඉල්ලා ආවද මගේ සෙනෙහෙ ඕනමයි කියා එදා වගේමයි වෙනසක් නම් නැහැ කොහොමද ඉන්නේ මෙලෙස ඔයා ප්රාර්ථනා මල් එකිනෙක ගිලිහී ජීවිත උයනම පාළු වෙලා සොඳුරු මතකයේ සැරිසරනා සිත නෙත අග කඳුළක් ඉතිරි කළා නිවි නිවි දිලෙනා තරුකැට අතරේ නිසසල ලස්සන තැනක් සොයා රහසේ ඇවිදින් පාර කියනවද සැඟවී ඉන්නට ලොවට හොරා ...... ☺️☺️☺️☺️☺️☺️☺️
Deesha(දීෂා)❤️ 6 years ago 258 6 9
නෙත ගැටෙන ලෝකයේ දැක නොමැති රුව දෙකක් නිතර සක්මන් කරයි මා මනස කලඹමින්... ඉපැදුනු තැනදිම මියැදුණා මෑණියනි දියණියක් හට උරුම සෙනෙහේ අදත් කඳුලැල් වැටී පෑරෙයි තනිවෙනා විට සැම වෙලේ... රටක් වෙනුවෙන් දිවි පිදූවද මගේ ආදර පියාණන් ඔබ කෙසේ විඳදරා ගත්තද එවිට ඔබ ගැබ්බර මවක්... වේදනාවක් දරාගන්නට අවැසි වූ විට සෙනෙහසක් නොමැති හින්දද දුන්නෙ මට දිවි සමුඅරන් නුඹ ජීවිතෙන්... දැකනැති නමුත් දෑසට මා ඔබ දෙදෙන ඔබ දුන් දායාද වෙයි මගෙ රූ සපුව රැකගමි ජීවිතය මා, වෙනුවෙන් ඔබ දෙදෙන දුර නැහැ දෙදෙන හට ඒ සුන්දර නිවන෴ ?????? ✍️?
Deesha(දීෂා)❤️ 6 years ago 273 3 5
මඩ වගුරක් කියලා අතහැරපු වලම දවසක නිල් වතුරින් පිරිලා නෙලුම් මල් වලින් වැහිලා ගියාම අඳුන ගන්නවත් බැරිවෙයි නුබට අතහැරියේ සුන්දර විලක් කියලා...
Deesha(දීෂා)❤️ 6 years ago 274 4 0
පාළු මුඩු බිමක දුකින් මුසපත් ව තිබූ මා හද සතුටු ගංගාව පෙන්වා දුන් නුඹ, තත්පරයක් වත් නොගෙවා නුඹ සිහි නොකර මම ඉන්නේ කෙළෙසකද? දිනෙන් දින ළංව උතුරා යන ආදරයක් අභියස සිතෙහි බියක් ඇතිවෙයි ඔබ නොලැබේදෝ කියා මට... උතුරා යන මහද ආදරය එකතු කරන්නට මදිවෙයි මේ මහ සාගරය... හද කෑගසා ඉල්ලන ඔබේ ආදරය අහිමි නොවන බව මට සහතිකය... මහදේ ඇති හැම ලේ බිඳුවකම රදවා ඇත්තේ ඔබේ නාමය... ඔබ නැති දවසක අවසන් හුස්ම පොදක්වත් තියේවිද මා හට සිහිනෙකින්වත්... මගේ රත්තරනේ ඔබ මගෙන් දුරස් නොවී සිටින්න........ - දීෂා - ❤️❤️❤️❤️❤️❤️❤️
Deesha(දීෂා)❤️ 6 years ago 335 4 4
හදින් බදා මම නුඹට පුරා අවුරුදු 3 ක්, මාසයන් 36ක්, සති 144 ක්, දින 1080 ක්, පැය 25920 ක්, මිනිත්තු 1555200 ක්, තත්පර 93312000 ක් පුරා නුඹට ආදරය කළෙමි. මේ 93312001 වෙනි තත්පරය ආවත් කල්ප ලක්ෂයක් නුඹ ළඟින් ඉන්නට පෙරුම් පුරමි........
Deesha(දීෂා)❤️ 6 years ago 328 3 2
ගණ අඳුරින් මුළු ලොවම වසාගෙන හෙණ හඬ තලමින් නුබගැබ කළඹවන ඇය, මතුපිටින් අඳුරු මායාවකි.... නමුදු ඇය විටෙක, සීතල හැඟුමකි. චමත්කාර ප්රිය දසුනකි, සිත නිසල කරන්නාවූ සුන්දර කවියකි...❣?
Deesha(දීෂා)❤️ 6 years ago 287 2 2
ආශාවන් පසුපස ඔබ කෙතරම් ලුහුබැන්දත් මිල මුදල් පිළිබඳ ඔබ කෙතරම් සිහින දුටුවත් නිමක් නොවන මේ සසර ගමන් මඟ අතර ඔබ ලැබූ මේ ජීවිතය තවත් එක් ගමනාන්තයක මතක සටහනක් පමණයි...
Deesha(දීෂා)❤️ 6 years ago 273 3 1
කාලය නොනැවතී ගියත් තාමත් ඉස්සර වගේම මතකය නවතී ඒ හිනාව ළඟ. කොයිතරම් අමතක කරන්න හැදුවත් මතකයෙන් ඈතට නොයන්නේ හිතට තදින්ම වැදුණු මතකයක් නිසාම වෙන්න ඇති.. අතීතයෙන් ඈත් වෙලා ජීවත් වෙන්න හැදුවත් අතීතයට ඕනිත් මේ හිතම වෙන්න ඇති.. අපේ හිත්වල තිබුණු හැම පුංචි හීනයක්ම හිතක් පපුවක් නැතිව උදුරාගත්තෙත් නුඹයි අතීතය.. හැම ආදර කතාවකම පුංචිම පුංචි ප්රශ්න තියලා අපේ කතාව විතරක් ප්රශ්නයක් කලා... කාලය,අතීතය දෙකම එකතු වෙලා උදුරාගත්තා හිතේ හීන එකක් නෑර... අමතක කරන්න බැරි මැරි මැරි යළිත් උපදින මතක එක්කම මේ හිතනම් ජීවත් වන බව තාමත් ඒ හිනාව දන්නේ නැතුව ඇති......?
Deesha(දීෂා)❤️ 6 years ago 338 4 5
මගේ බලාපොරොත්තු කඩ කරගෙන එයාගේ බලාපොරොත්තු වලට පණ දෙන එක... මගේ ආදරේ යටපත් කරගෙන එයාගේ ආදරේට සහය වෙන එක. මගේ දුක හංගගෙන එයාගේ සතුටට හේතු හදන එක.. ආදරේ කියන්නෙම පරිත්යාගයක් හිත හීරුනත් සැනසිල්ලක් දෙන.....
Deesha(දීෂා)❤️ 6 years ago 350 5 6
රුදුරු රළ පෙළ හඬ හඬාවිත් වෙරළ ඉම ගිම් නිවාලයි... සිතේ ඇති සිත් තැවුල් වෙරළේ දමා සැනසී යන්න යයි ... තවත් විටකදි රළ පෙළක් විත් ගල් කුළක් වෙත දුක කියයි... තිබූ හිත තව තවත් පෑරී සත් කඩක් වී විසිර යයි... සිතක් නිවනට අවැසි වේමය ඇහුම්කන් දෙන මුදු හදක් කළු ගලක් ලඟ කිසිම විටකදි නොසොයන්න අස්වැසිල්ලක්....... ........?????..........
Copyright © 2021 Nisadas | Powered by Arvin Apps
