චතුරංගි හර්ශිකා 5 years ago 279 4 5
නිම් තෙරක් නැති අහස හිරු අරන් ආ දිනෙක... සද පහන් රැයක කළු ගන වලාකුළු කුමට... පණ තියෙන හිත් වලට මළ අහස් තරු කවට... රිදෙන හීතල මතක අරං පලයන් දුරට... - චතූ
Dila ???? 5 years ago 302 3 4
ඉතින් දෙනවද අවසර නුපුරුදු හිනාවකට දෙන්න ඉඩ හසර.. දිය වෙලා වැටුන හැටි සිතල පිරුනු ඇස් යට නොකියාම ඉන්නම් මම නුඹ හදපු හීන හිත යට ලගට එන්න පිය මනින ඒ නුපුරුදු හිනා මලට.. එකීන් එක ගලපා මතක ඉතින් මම හිනා වෙන්නද දුරට යන නුබේ සිනා දැක.. මැණික.. යන්න යනකොට අරන් යන්න ඕනිමයි නුඹ ගෙනා කදුලු කැට..
Deesha(දීෂා)❤️ 5 years ago 296 3 4
සුපිපි පියුමක් මිලින විය අද දෙනෙත් කඳුලින් තෙමා.. අකලටම ඇයි මියදුනේ සොඳුරු සෙනෙහස හැරදමා.. රෝස දෙතොලේ රැඳුණු වදනින් දහස් දෙන පෙර හිනැහුණා... අනේ ඇයි අද නිහඬ ඔය මුව නැඟූ හසරැලි කෝ මෙදා....
චතු ගුණසේකර ? 5 years ago 396 5 5
ස්වේත සලු නොපැලැදි හුන් පවා රකිත් පතිවත යශෝදර සම හා ස්වාමි භක්තිය සිත මැවුනු දා කැණි මඩල සුන්දරය සැමදා... ෆැන්ටිසිය ලොව පින්තාරු වූ දා හිරි ඔතප් සිතින් ගිලිහුණු දා ප්රේමය කාමයට ගිජු වුනු දා මංගල බෙර සම අපෙන් මියැදුනා... -චතූ- 21/12/2020
චතු ගුණසේකර ? 5 years ago 353 4 6
අත පොවනු හැකි දෙයැස් මානෙ නේක විසිතුරු මල් සුවද දෙන පිපී හිනැහෙන කල, ඈත අහසේ පායා දිලිස හිතට ඔච්ච්ම කරන විටක නිවී යන ලගට ලං වී සෙනෙහසෙ උණුසුම විදිනට වරම් නැති තරු මලකට ඔය බොලද සිත පෙම් කලේ කිම? -චතූ- 20/12/2020
ශශී❤️? 5 years ago 327 4 6
කාල වර්ණ පිරි වලාකුලින් බර මිහිදුම් නැගෙනා රෑ යාමේ විලිබර සද ඔච්චමට හිනාවෙයි තරු කැට ගිලිහුනු ආකාසේ නේක රුවින් දිලි කනාමැදිරි එලි අදුරට පරදින තුන් යාමේ මනුසත් ගුන දම් වියැකී යයි නිති දුදනන් රජ වෙන මේ ලෝකේ... කලු සුදු පාටින් මිනිසුන් මැවෙනා මනුසත් කම් නැති මේ ලෝකේ දුදනන් රජ වෙයි සසරින් සසරට අරාජිකව මේ හැම බවයේ දෙවියන් දකිනට පව්කම් කරමින් ජීවය යදිනා රග මඩලේ ඉපදී මැරෙනා බියකරු සසරට ඇයි අපි මෙතරම් ලොබ වන්නේ... ශශී
Dila ???? 5 years ago 266 5 5
නොදැක්කා වගේ උන්නාට නොදැනුනා සේ හිටියාට නුබ සොදුරු තරුවකි පපුවේ හරි මැදට අහසින්ම රිද්දගෙන කඩාගෙන වැටුනු යන්න යැයි කිව්වාට රව රවා බැලුවාට දන්නවද නුබව මට කිරුලකි හිතාමතාම අහිමිවුන ඉතින් හැරි නොබලා යන්න මැරුණු දාකට එන්න මගේ මලකද දෙස බලා මැණික මං ආවා 'සුබ ගමන් හොදද' යැයි පවසන්න කදුලු වැල් නෙහෙලන්න
චතුරංගි හර්ශිකා 5 years ago 274 4 4
පුරා වසර ගණනක් හිත බැඳි ආලයට මම නුඹ නමට එදා අද පුරාවට බලා උන්නෙමි... නොකියාම වෙනතකට නුඹ රහසේම බැදුනත් මගේ යැයි කියා ගත් නුඹ නමට පේ වුණෙමි... වරක් දෙවරක් නොව සිය දහස් වර මහිත බින්දත් නුඹටම පෙම් කළෙමි... දන්නවද මහිමි කන්නගීලා එහෙමයි ඒ ආදරේට සීමාවක් මායිමක් නොවුණි... හිත් ඉවුර බිද ගලන අකීකරු සැඩ රළක ආලයේ නාමයෙන් මමත් උඩුගං ගියෙමි... සෙල්ලක්කාර නෙතට බැදුනු ඒ ප්රේමයට අද මෙන්ම හෙටටත් නොවෙනස් ව පෙම් බඳින්නෙමි... කුලුදුලේ මම ලියූ හිතාදර පෙම් කවිය ඉරා විසි කරන්නට මම නුඹට ඉඩ නොදෙමි... ආලයේ පූජාව දෙපා මුල පුදන්නට තරම් ඔය අකීකරු දෑස් පුදසුනක් නොවන බව දනිමි... එහෙත් මට පෙම් කෙරූ වදකාර පෙම්වතා නුඹට මම සදාකාලිකව පෙම් කරන්නෙමි... මම, චතූ
චතුරංගි හර්ශිකා 5 years ago 285 3 3
ආදරණීය හිත ළග නැවතුණු දවස සොඳුරුයි තාම හිත පාරනවා මතක පෙර වාගේම හමු වන්නට මංසලක එක පාරක් ඇවිදින් යන්නට බැරිද...? අමතක කරන්නට කොතරම් බල කෙරුවත් මතකය රිදුම් දෙයි නෙතු අතරේ හෙටටත් නුඹ නමටම පේ වූ භවයේ තවමත් බලා සිටින්නම් කදුලක් යළි වැටුණත්... පුදුමයි ඔහොම ඉන්නට උඹ උගත් හැටි මෙතරම් ළංව උන් මට ගිනි දුන්න හැටි පමා වෙලාවත් ආවොත් නැවත හැරී මගේ කියා සින්නක්කර ලියා ගමී... මම, චතූ
Deesha(දීෂා)❤️ 5 years ago 334 4 11
ආදරණීය ශෂී අක්කි, දැවෙන පපුවට හැලෙන ලෝදිය කුමට නුඹ පිසදා නෙතින් මැරුන හදවත යළිඳු ඉපදී මැරී නුඹ ළඟ පස් වෙයන් තුරුළු කරගෙන සොහොයුරිය නුඹ වේදනා මගෙ සුවකරන් ඇවිලෙනා දුක සැනසුනා නුඹෙ සොයුරු පෙම ළඟ සත්තකින්.... මතක පාරා කඳුළු ගැලුවට නුඹේ පාමුල මේ නෙතින් සමාවක් මං අයදිමී නුඹ රිද්දවූ පාපය නමින් දුර්ලභයි නිර්ලෝභි හදවත් නුඹෙන් දුටුවා එය හොඳින් බුදුන් අභියස දෙදණ නවමින් අයැදුවේ දිවි මා නමින්.... දෑස නින්දට වෛර කරනා නීල තරුකැට තව රවන් සඳේ පාටට අහස කළු ඇයි ගිගුම් ලයි සිත පැන නගන් හැකිද හිඳිනට නුඹේ සෙවනේ එක්වරක් මතුදා ලඟින් නුඹේ පාමුල නොහඬා ඉන්නම් හැඟුම් මගෙ නිර්වින්දන කරන්..... °දීෂා නංගී️ ✍️?....
චතු ගුණසේකර ? 5 years ago 409 7 8
දන්නවද? නින්ද නොයන මැදියමට හිත තනිවෙන්නෙ හීන යට.. සිතිවිලි යට... සමහර හීන එකින් එක ගලපගෙන යනකොට මටත් නොදැනිම ඒක කවියක් වෙලා... ඇත්තමයි, රෑ මැදියමේ ඒ කවි වලට පණ දෙන්නෙ කලුවර විතරමයි ඒත් දන්නවද, දඩබ්බර අහස ගොරව ගොරව අකුණු සැර එවනකොට, උපදින්නවත් පින නැතුව සමහර හීන මියැදෙනවා කලුවරට වත් නොකියාම.....? -චතූ- 16/12/2020
Dila ???? 5 years ago 270 4 5
හිතම පුරවා නපුරු හීන තියා ඔබට මා මෙන් හීන තව නෑ කියා.. රැයක් නිදිවරා ලියූ මතක පොත් පුරා මිය ගිය කවියක කදුලක් තවරා තවත් හිතකට ඉඩ දෙන්න නුඹ ගියා.. කදුලු පොකුරක් කළු අහස පුරා තරු තිබුනෙම වෙන උන්ට හිනැහිලා.. එලිය කෙරුවට සදක් අවාරයට පායලා සදට තරුත් දුර උන්නා අසම්මතයි කියා.. දුර යන්න නුඹ එක්ක මේ භවයෙම ඇවිදන් ආපු පිය මැන්නා මම රහසෙ.. සංසාරය තව දුරයි දවසක වෙයි මගෙම ප්රේමය තිබුනෙම දුර ගියපු නුඹේ ලගම...
Copyright © 2021 Nisadas | Powered by Arvin Apps
